香港女士真的很難服侍嗎？

有人在某飲食網站問女朋友生日有什麼餐廳介紹：

我都唔知佢想食咩，佢好嘴刁呢樣話唔
食個樣又話唔食，所以我都唔知同佢去
邊食飯，重個幾日就到個日先為左食飯
問題嘈左兩句，唔該各位有咩好介紹？
謝謝。

一眾食家覺得問題好難答，因為對他的女友的喜好毫無認識。他的第二個 post 描述女友：

海鮮類話唔食，牛扒話太肥，辣野又話怕辣，中菜又話油利，咁我真係唔知先上黎問，知既我都唔洗問啦，呢 d 係普遍香港女仔都係咁，我覺得。

講返正題，有無法國餐廳，或者西班牙餐廳，日本餐廳介紹下。

有人建議自己煮，給女友驚喜，回覆：

自己煮都唔係唔得，只不過係佢呢樣話唔食個樣個唔食，我都無興趣煮，同埋我返黎香港之後識過幾個香港女仔都...係咁，所以我想有咁既感覺，我舊時同日本女仔拍拖老實講輕鬆隨意很多，好啦...提外話不想說了。

都係請教返餐廳問題，地點唔想太遠，尖沙咀，銅鑼灣，沙田一帶有無，法國餐廳，西班牙餐廳個類，其實都係想搵間氣氛好小小就得，至於食咩都已經係其次了，因為佢咩都唔岩口味，我就乾脆搵間環境好既就算。

中間加插少許舌劍唇槍我也不原文抄錄，自己也不想牽涉入爭辯，不過如這人所言屬實，我覺得這位仁兄真不幸，個個香港女朋友都咁難服侍。之但係，香港女士真係咁醃尖聲悶難服侍？抑或係，這位男士本身也有問題呢？！