午餐：「順興」車仔麵/腸粉，個人口味是油麵比腸粉好，雞翅膀、冬菇和牛腩好吃，魚皮餃、辣魚蛋和豬皮一般。
我很少蒸魚，所以對控制火候不大在行，過熟魚皮都爆開了，幸好此魚少骨肉滑不會韌（魚名忘記了，在鵝頸橋「東興海鮮」買，請阿姐介紹一尾少骨多肉肉質滑的海魚，她幫我們選了這尾，索價 $65，阿姐說蒸 8 分鐘便成，我怕不夠熟蒸了 8 分半），加上「頤和園」豉油，不錯。不過我想請問各位有識之士，蒸魚要不要放薑？好像聽人說過下了薑魚肉會韌。
另有紅酒燴牛肋肉。飯後水果是上星期六在祟光百貨超市買的靜岡蜜瓜，香甜 ^^
原來不是用磁器蒸魚，怪不得八分半鐘便魚皮爆裂.
ReplyDelete版主回覆：(06/02/2009 03:40:07 PM)
奶奶蒸魚蒸掛骨都是用金屬碟啊，我想金屬較傳熱應該好一點嘛
根據經驗, 係有d魚唔可以落薑去蒸, 如多寶魚, 點解? 你試吓啦! 不過應該同屬カレイ科的左口又無事喎! 我估右口都無事. 而一般蒸魚我都會落薑蔥, 夏天了, 試下豆豉, 檸檬, 麵豉蒸啦, 不過唔適用於貴價魚.
ReplyDelete版主回覆：(06/02/2009 02:11:59 AM)
我還是喜歡傳統廣東式薑蔥蒸海魚，豆豉, 檸檬, 麵豉好像和倉魚、烏頭較為啱 key...
貴價魚 - 等我實習多些才試，免得白花寃枉錢。
金屬傳熱快確實是優點，不過蒸魚我仍是喜歡使用磁器，而且爐火對時間亦有直接影響，多研習自然更易掌握，努力^^
ReplyDelete版主回覆：(06/02/2009 03:34:53 PM)
係，要多多研習實踐... 我會繼續努力
亞蘇話蒸新鮮魚係唔使落薑架，用蔥墊底蒸熟，再加新鮮蔥係面，淋熟油就得。
ReplyDelete用金屬碟係傳熱快，但亦都會散熱快，條魚未食完就凍哂囉，我奶奶教我，用厚低磁碟放蒸鍋上reheat，水滾後，將魚放落磁碟上蒸，因為係厚低碟，條魚一路食住都仲有微溫，都幾好架~
版主回覆：(06/02/2009 03:35:42 PM)
係，就係阿蘇講嘅，不過忘了她的理由...
多謝分享，下次又試用磁碟，應該不會爆得咁厲害。要多點試驗才可估計到蒸所需時間。
唔使估，我通常問賣魚個位條魚要蒸幾耐呀，佢地俾嘅時間通常都好準確。
ReplyDelete版主回覆：(06/03/2009 02:14:57 PM)
咁下次信哂賣魚哥/姐啦，之不過金屬碟和磁碟蒸的時間會否有少少差別呢....
我多數都係用磁碟，所以我一路當賣魚哥/姐講嘅時間就係磁碟專用~
ReplyDelete