雜誌介紹 ： 主打的海南雞飯 $35，無骨兼肉嫩香滑，配搭自家製的醬，與泰國吃的不遑多讓...
小頭感覺 ： 海南雞是真的無骨，分量略少，但怎也說不上是肉嫩香滑
雜誌介紹 ： 選用約兩斤半的鮮雞，以香茅、檸檬葉、鹽等醃料醃過夜，再烚 45 分鐘，皮肉超級香嫩，，配搭分量十足的雞油飯，還有必備自家調校的海南雞醬...
小頭感覺 ： 原來花了這些功夫醃、煮，但係失覺哂啦，吃下去雞肉沒什麼味道，所以必備自家製海南雞醬是真的，起碼加點酸味鹹味。雞油飯呢，一點也不熱，「溫暖」也談不上！最好味倒是和飯同上的湯，熱之餘又有雞味。
故事第一個教訓是不要盡信雜誌介紹（這是學不完的功課），第二個教訓是在未知悉一間新店的底蘊之前，不要柯打太多食物。見有兩座食客都有點滷水雞腳 $15，也來一客。唔，不算難吃，但也不是很好吃，雞腳還是吃再興的鮑汁炆雞腳好了。電話地址不寫，反正我不鼓勵大家去。
那碟雞好像弄得很沒 heart 似的 :P
ReplyDelete版主回覆：(06/10/2007 11:10:06 AM)
對呀，碟飯一上檯心裡已在想：賣相好求其喎。食一口雞一口飯之後：又中地雷啦！
原來如此，怪不得今天跟大家說想去試這間泰國海南雞飯時，大家有這樣的奇怪眼光了。認同你說法，雜誌真不可盡信喔。
ReplyDelete本人也去過．．我本身是一個泰國人．．我食過．．佢地係搵泰國人去的．．Ｄ雞都冇你講到咁差．．始終你都係香港人．．同泰國人Ｄ口味會差小小．．本人覺得呢間煮出黎既野．．同我係泰國食既口味差唔多．．如果真係想食正宗既泰國海南雞飯就去試下．．加上我知道呢間鋪頭係．．西環同香港仔都有分店．．如果真係好似你講到咁難食我諗一早已經．．．．．所以．．．．我支持Ｄ人仔值得試一試．．試下咪知好唔好食羅．．．
ReplyDelete版主回覆：(06/10/2007 11:13:04 AM)
我本身是一個香港人，我未去過...泰國，所以不知是否正宗泰式海南雞飯口味，只可以和在香港吃過的其他泰國店比較。我都知這店在西環和香港仔有分店（雜誌都有提）...我不反對人家去嘅，可能係我唔識食囉...
我都有食開過,不係唔係你講得咁難食
ReplyDelete我今日行過
仲見到任賢齊係入面食
唔知係拍廣定咩呢??
有冇人見到??
版主回覆：(06/13/2007 03:14:37 PM)
我今日無行過，或者明天的報紙、東張西望會有報導。
不知此店水準跟橋泰相比, 又如何呢? (我估橋泰是泰國人/華橋開的)
ReplyDelete食評方面, 我比較信蘇絲黃, 不過我唔鐘意麻油!
版主回覆：(06/13/2007 03:16:02 PM)
橋泰好..好多啦（個人口味而言，你知我唔識食），雞肉滑又有雞味。
阿蘇又幾尖酸，我仍然記得星期六晚個哥哥被阿蘇彈完後那個樣！