坐小巴時電話響起
女（沒精打彩）：小姐你好，xxxxxx...
我（小姐，你連自己是什麼公司也不報上名來，好無禮貌噃；語氣不耐煩）：你是什麼公司來電？
女（比我更不耐煩，更大聲且有點晦氣）：市場資訊公司，你買保險...
我（嘩，市場資訊公司，所有市場所有資訊你都包哂，好巴閉！不過，第一你語氣真的差，第二除了旅遊保險我沒買保險）：無興趣（收線）
我未嚐被電話傳銷/調查員大大聲嚇倒，這可是頭一次！
另一次在公司
男：你好，請問是否 9x2xxxxx 的機主
我：唔係，打錯
男：吓，呢個號碼唔係 9x2xxxxx？
我：唔係，你打左 9x1xxxxx
男：啊，唔好意思講錯，係 9x1xxxxx，我們是 one2free ，現時有個轉台優惠想邀請你...
我：我已經用緊 one2free...
男：啊..... 多謝你選用 one2free 服務。
很明顯，他真的打錯了電話，又想將錯就錯作推銷。我也欣賞他的反應和工作熱誠，不過他最好轉用一個能清晰對話的電話/電話線，他的話音斷斷續續就像在水中說話一樣，我收到這樣的來電，怎麼能對貴公司的服務質素有信心？！
一日接幾廿個呢啲電話，都咪話唔煩。
ReplyDelete不過點解你會報上自己個電話號碼架~
版主回覆：(01/23/2010 03:28:34 PM)
其實做電話調查和傳銷都幾慘，我相信一半時間都會吃白果被人冚電話，所以 EQ 少d都好depress。
報上自己號碼呢樣，我諗番都覺得自己好笨...
第二個好好笑.
ReplyDelete我收得最多的就係和記寬頻, 仲係要連續三次, 最後果個吾好彩, 比我炳左一鍋, 不過呢...佢又好有禮貌咁同我say sorry喎, 做呢行都幾慘.
版主回覆：(01/24/2010 09:27:06 AM)
做電話調查和傳銷都預左被人cut線，至於是否被人炳都看多方面原因，有時和對方的用詞和語氣都很有關係。
總之自己做得唔好就檢討番，如果人客無理就唔好上心。
我最怕果D講野超慢又超長氣的推銷電話, 講左成幾句都仲未講得出咩事,一大堆廢話開場白, 我就會叫他直接講關於咩事啦, 講真, 對於這些推銷電話, 我一次都沒有幫襯過 ^^
ReplyDelete版主回覆：(01/24/2010 09:29:25 AM)
有時一聽公司名如xx美容我已經話無興趣收線。
試過有次網上行打來推銷請我免費試用兩個月唔記得是 moov 定 now，我問得好小心肯定沒隱藏收費想試用，但對方要我在電話中核實身份資料。喂，又不是我致電問你，係你主動打來邀請我試用，仲要核實我身份，而且我最憎人在公眾地方要我在電話中對身份証號碼和生日日期這些敏感資料，怕被人聽到盜用嘛，令我反感拉倒收線。